Forum - www.szalency.de

BOJAN

Bojanow

Ktos Ty je ?

Slonsko glowa !

Skad pochodzisz ?

Z Bojanowa !

Bojanow to pjykno wies ,od malego o tym wjysz !

[link widoczny dla zalogowanych]

Fotka je zrobjono z drogi mjyndzy Krzinowicami a Szamarzowicamiw kerunku Bojanowa (marzec 2008)

Tu mjyszkali opa oma,tu jo je doma !

Tu mjyszkajom mama tata ,tu jo spyndzil mlode lata!

Tu miol jo swoje tajemnice !

Tu byly hasermony,babyjagi,rojbry,klynkanice !

Klynkanica czorno zmora zbierala dzieci do wielkiego wora kazdego wieczora !

A hasyrmon w naszej Cinie dycki pjyknie grol na mandolinie !

[link widoczny dla zalogowanych]

Stare koryto Ciny mjyndzy Bojanowym a Borzucinym. Fotka je zrobjono z szosyje w kerunku na Krzinowice (syrpjyn 2007)

Tu rojbrowaly dwa bandziory,a po nocach lotaly czorne zmory !

Tu widziano jezdzca bez dlowy,o tym juz dzisiej nie ma zodne mowy!

Tu zatonyla pewna ksiezna ze swoja karocom przejezdzajac przez moczary,a bylo to nocom !

Tu skarb Piotra i Pawla ukryty momy i zodnymu go nie domy!

[link widoczny dla zalogowanych]

Widok na Altvatergebirge / Praded z pol bojanowskich "kole krziza"

Som to skrzynie zlota,piykne dzbany i swieczniki,o tym zapmnieli juz historyki !

Skarb tyn to je wielko tajemnica,a kto go skradnie grozi mu szubienica !

[link widoczny dla zalogowanych]

Tu tez babyjagi se smykaly i po nocach do okien zaglondaly !

Tu zalozyla swoj konwent zakonny Eufemia z Raciborza,taka to byla wola Boza !

Tu w powstaniach chlopskich walczyly nasze przodki,o tym tez juz dzisiej nima gotki!

Tu w kosciele wisi Matka Boza Kodynsko,kiero przywjyz Jan III Sobieski jadac na Odsiecz wiedensko !

Tu rozlegaja sie pjykne widoki na dolina,przez kiero plynie nasza Cina !

A w dali widac pasma gor,siegajacych az do hmur !

Tu gospodorze zymia swoja uprawjajom,no i ptoki tak pjyknie sam spjywajom !

Tu bociany kazdego roku powracajom i swoje gniazda zaklodajom !

Jednak ludzie stond czynsto wyjyzdzajom i w dalekim Swiecie szczynscio szukajom i o Bojanowie zapominajom !

Bojanow to je ale tako pjykno okolica,
ze wiekszosc z nich tu powroci!

Na to dowom wom moja objetnica !